જીવદયાના આ ભગીરથ કાર્યમાં શ્રી સંઘના પરમઉપકારી પ.પૂ.તપાગચ્છાધિપતી આ.ભ.શ્રી રામસૂરીશ્વરજી મહારાજા તથા તેમના શિષ્યો, પ્રતિશિષ્યો તથા જીનશાસનના તમામ સમુદાયના પૂજય આચાર્ય ભગવંત સાધુ-સાધ્વી ભગવંત તેમજ અનેક અનેક જૈન સંઘો, ટ્રસ્ટો સંસ્થાઓ સહિત જીવદયા પ્રેમી મહાનુભાવોનો સહયોગ પ્રાપ્ત થતો રહે છે.

આજથી ૭૦ વર્ષ પહેલા ૫૦૦ ઘેટાં બકરા ના નાના વાડાં થી શરૂ થયેલી પાંજરાપોળ આજે વટવૃક્ષ બની છે એમાં અનેક વડીલો નો ફાળો છે. આ છે  આપણાં પૂર્વજો – શ્રી નરોત્તમદાસ મહેતા , શ્રી હરગોવન દાસ દોશી , શ્રી દીપચંદભાઈ , શ્રી બાબુલાલ દોશી , શ્રી મફતલાલ દોશી , શ્રી ત્રિભોવનદાસ , શ્રી લવજીભાઈ , શ્રી જયંતીલાલ મફતલાલ , શ્રી જેન્તીલાલ અમથાલાલ, શ્રી હસમુખલાલ , શ્રી કીર્તિલાલ , શ્રી હીરાલાલ મેહતા , શ્રી સેવંતીલાલ છોટાલાલ , શ્રી ભૂરાલાલ ડોશજીભાઈ,  

અમારી સંસ્થાને ગૌસેવા અને ગૌચર વિકાસ બોર્ડ ગુજરાત દ્વારા શ્રેષ્ઠ પાંજરાપોળનો એવોર્ડ આપવામાં આવેલ છે.

સમસ્ત મહાજન એનીમલ વેલ્ફેર બોર્ડ ભરત સરકાર ગૌસેવા આયોગ અને ગુજરાત સરકારનો સહયોગ પ્રાપ્ત થયેલ છે.

શ્રી જૈન કલ્ચર સેન્ટર, એન્ટવર્પ જૈન સંઘ દ્વારા વર્ષો વર્ષ વિશેષ સહયોગ પ્રાપ્ત થાય છે. પાંજરાપોળ માટે આજના સમય માટે અતિ વિકટ પ્રશ્ન ઘાસચારાના ખર્ચને પહોંચી વળવાનો છે. સરહદના કિનારે આવેલા આ વિસ્તારમાં વરસાદનું પ્રમાણ ઓછુ હોઈ ઘાસચારાનું ઉત્પાદન નહિવત હોવાના કારણે ઘાસચારો દૂરના વિસ્તારમાંથી મંગાવવો પડે છે, ઉપરાંત અત્યારની કારમી મોંઘવારીમાં ઘાસચારના ભાવમાં પણ વધારો થતો રહે છે. હાલની આ અસહ્ય મોંઘવારીના કારણે અબોલ પશુઓનો નિભાવ કરવો ઘણો કઠીન બનેલ છે. તો તમારા જીવદયા હિત ચિંતક આચાર્ય ભગવંતશ્રીઓ સંસ્થાઓના ટ્રસ્ટીવર્યશ્રીઓ, જૈન સંઘો તથા જીવદયા પ્રેમીઓને જીવદયાના ભગીરથ કાર્યમાં સહભાગી થવા અમારી નમ્ર અપીલ છે.